Já? Það er svona lítið að frétta af ykkur?

Jæja, það er allavega alltaf eitthvað að gerast hjá mér!

Ég vaknaði í morgun, fór í sturtu og fór einn niðrá flugvöll. Óli greyið var með einhverja flensupest svo að hann hélt sig bara í rúminu. Ég flaug í 2 tíma í og hékk bara við flugvöllinn og gerði snertilendingar og svoleiðis nokkuð.

Settist svo niður með Robert, kennara í Tailwind, en hann ætlar að fara með mér á tveggjahreyflavélina á morgun. Við vorum aðalega að fara yfir allar aðferðirnar á flugvélinni í dag og er svo stefnan tekin á að fljúga kvikindinu á morgun. Það verður gaman.

Við skoðuðum hversu langt það væri að fara til Seattle og til baka, með viðkomum á hinum og þessum stöðum. Í ljós kom að bara leiðin frá Chandler til Seattle er rúmlega 1200 mílur, eða tæplega 2000 km. sem þýðir að það tæki ágætlega langt flug að komast þangað! Það verður samt bara gaman. Ef ég fer þangað ætla ég að fara að skoða Boeing flugvélaverksmiðjurnar!

Við Óli erum hinsvegar að spá í að fara til L.A. í næstu viku og kíkja þá í Universal Studios og gista eina nótt! Hver veit nema það verði upphafið á Seattle ferðinni??

Annars tókum við því bara rólega í dag. Ég er aðeins að spá í því hvernig ég á að snúa mér í því að sækja um hjá Flugleiðum. Maður vill hafa það allt á hreinu og ekki klúðra neinu.

Svo komu Rut og Rúnar í heimsókn áðan. Pöntuðum pizzu og spiluðum Monopoly... ég tapaði!